Author: rinpoche

अखिल नेपाल भिक्षु महासंघले केही समय अघि संघनायक चुनिएका भिक्षु ज्ञानपूर्णिक महास्थवीरलाई शनिबार अभिनन्दन गरेको छ । नेपाल प्रज्ञा प्रतिष्ठान कमलादी, काठमाडौँमा कार्यक्रम गर्दै संघनायकलाई अभिनन्दन गरिएको हो । संघनायकको अभिनन्दन समारोहमा उपराष्ट्रपति नन्दकिशोर पून प्रमुख अतिथिको रुपमा सहभागि थिए । अभिनन्दन समारोहमा संघनायक ज्ञानपूर्णिक महास्थवीरको बुद्ध शासनिक योगदानको स्मपरण पनि गरिएको थियो । अभिन्दन समारोहमा देशका विभिन्न स्थानमा रहेका विहार तथा बौद्ध धर्मसँग सम्बन्धित संघसंस्थाको सहभागिता रहेको थियो ।

अज्ञात समूहले पछिल्लो समय लगातार पर्यटकीयस्थल काँक्रेविहारको तोडफोड गरेको छ । वीरेन्द्रनगर–९ लाटीकोइलीस्थित पुरातात्विक स्थल काँक्रेविहारको पुनर्निर्माण अन्तिम चरणमा पुगेका बेला रातिको समयमा लगातार अज्ञात समूहको निशाना परेको हो । स्थानीय हेरालु सीता कार्कीले शनिबार, आइतबार र सोमबार राति तोडफोड गरेको बताउनुभयो । “उच्छृङ्खल समूहले मूल गेट, सुरक्षा पर्खाल, टिकट काउन्टर तोडफोड गरेको छ”, उहाँले भन्नुभयो, “प्रवेशद्वारमा लगाइएको ताला पनि फोडिएको छ, टिकट काउन्टर, हात धुने बेसिन लगायतमा तोडफोड गरिएको छ ।” दक्षिणतर्फको गेटमाथिको गजुर पनि भाँचिएको अवस्थामा फेला परेको छ । हेरालु र टिकट व्यवस्थापक दिउँसो मात्र त्यहाँ बस्ने…

रुपन्देही, २३ साउन (रासस) : संस्कृति, पर्यटन तथा नागरिक उड्डयनमन्त्री योगेशकुमार भट्टराईले लुम्बिनीको विकास र गौतमबुद्ध विमानस्थल निर्माणको कामलाई सरकारले प्रमुख प्राथमिकतामा राखेको बताउनु भएको छ । रुपन्देहीको भैरहवामा निर्माण भइरहेको अन्तराष्ट्रिय गौतमबुद्ध विमानस्थल आज निरीक्षण गर्दै उहाँले प्रधामन्त्री केपी शर्मा ओलीले समेत विमानस्थल निर्माण र लुम्बिनीको विकासमा विशेष चासो दिनुभएकाले तिनलाई प्राथमिकतामा राखेर काम भइरहेको बताउनुभयो । आगामी डिसेम्बरभित्रै अन्तराष्ट्रिय गौतमबुद्ध विमानस्थल निर्माणको काम पूरा हुने जिकिर गर्दै मन्त्री भट्टराईले भन्नुभयो “जुन हिसाबले काम भइरहेको छ, त्यो हिसाबले अबको चार महीनामा ती सबै काम पूरा हुन्छ ।” कुनै पनि…

बज्रयानी परम्परा अनुसार ललितपुरको बुंगमतीमा निर्माण गरिएको पद्मपाणी लोकेश्वरमा प्राण प्रतिष्ठान पूजा गरिदैछ । पूजा दुई दिनसम्म जारी रहनेछ । करीब ९ महिना अगाडि बुङ्ग देय् पुखुमा पद्मपाणी लोकेश्वरको प्रतिमा ठड्याउन चाहिने थाम स्थानीय वासिन्दाको श्रमदानमा बनाइएको थियो । थाम बनाउने काठ भूकम्पबाट ध्वस्त बुङ्गद्य मन्दिरको निनाहबाट लिइएको हो । करिब ५ फिट अग्लो पद्मपाणी लोकेश्वरको तामाको प्रतिमा विहिबार बुंग देय् पुखु बीचको थाममा प्रतिष्ठा गरिदैछ । पद्मपाणी लोकेश्वरको तामाको प्रतिमा जनप्रतिनिधिको उपस्थितिमा धुमधामका साथ जात्रा नगर परिक्रमा गरी देय् पुखु बीचको थाममा राखिएको छ ।

नयाँ दिल्ली स् गायिका आनी छोइङ डोल्मा आफ्ना चर्चित गीतका साथ भारतको राजधानी नयाँदिल्लीमा सोमबार गुञ्जिएकी छन्। उनले संगीतकार न्ह्यु वज्राचार्यका साथमा उनले आफ्ना चलेका नम्बर प्रस्तुत गरिन्। साताव्यापी एकल प्रस्तुतिका लागि उनी दिल्ली आइपुगेकी हुन्। उनी मुम्बईबाट आइतबार दिल्ली पुगेकी हुन्। ‘दि वुमन’ नामक सामाजिक संस्थाले आयोजना गरेको कार्यक्रममा उनले सांगीतिक प्रस्तुति दिएकी हुन्। यसअघि मुम्बईको जे मेरियट होटलमा पनि उनले सांगीतिक प्रस्तुति दिएकी थिइन्। दिल्लीको प्रस्तुतिको प्रचार गर्न दिल्लीका चोकचोकमा आनीको तस्बिरसहितका होडिङबोर्ड र तस्बिर टाँगिएका थिए। आनीले विभिन्‍न संघसंस्थाले आयोजना गरेको कार्यक्रममा आफू सहभागी भएको बताइन्। यसअघि…

जापानको कामिआमाकुसा शहरको एउटा विशाल पहरामा बुद्धको मूर्ति बनाइदैछ । यस्तो विशाल मूर्ति निर्माणको नेतृत्व गर्दैछन् मोरङ, उर्लाबारीका मूर्तिकार मञ्जुल मितेरी । मूर्ति बनाउने कार्यमा उनको नेत्तृत्वमा नेपालकै सानुभाइ विश्वकर्मा, रामचन्द्र पण्डित, गणेश वान्तवा राई लगायतका मूर्तिकारहरू संलग्न छन् । सन् २०१६ को सेप्टेम्बरबाट शुरु भएको विशाल मूर्ति निर्माण अभियानमा दैनिक ८ घण्टाभन्दा बढी खट्दैछन् नेपाली मूर्तिकारहरू । ६० फिटको एउटा, ५० फिटका दुइटा र ३० फिटका ४ वटा बुद्धमूर्ति बनाउन बुद्धको जन्मदेश नेपालका कलाकारहरू खटिइरहेका छन् । यो मूर्ति संसारकै ठूलो बुद्ध मूर्ति हुने र विश्व सम्पदा सूचीमा पार्ने…