महिना: सेप्टेम्बर 2019

श्रद्धेय गुरु दलाई लामाद्वारा भारतको धर्मशालामा तीन दिने पूजाको आयोजना भएको छ । पूजामा श्रद्धेय गुरु दलाई लामाले चार आर्य सत्य अन्तर्गतको १६ चरित्रका महत्वका बारेमा वर्णन गर्दैछन् । चार आर्य सत्यको १६ चरित्रमा डेन्पा, शी, मितक सोक चान्द्रुक लगायत हुन्छन् । लामाले बुद्धत्वका ३७ तथ्य तथा नागार्जुनको बोधिचित्तको बारेमा उल्लेख गरेको विषयलाई पनि पूजामा प्रस्तुत गर्दैछन् । पूजामा विभिन्न ६९ देशका करिब ७ हजार श्रद्धालु सहभागि भएका छन् । ६ सेप्टेम्बरदेखि सुरु भएको पूजा भोली आइतबार सम्पन्न हुँदैछ ।

निरा गौतम रुपन्देही, १५ भदौ (रासस) : गौतम बुद्धको महापरिनिर्वाण पछि शोकमग्न भिक्षुहरुसँग सुभद्र नामक एक भिक्षुले भने – “भिक्षुहरु, शोक नगर, रोदन नगर ! हामीहरुले महाश्रमणबाट छुटकारा पाएका छौं । उनी हुँदा जहिले पनि ‘यो गर, यो नगर’ भन्थे तर, अब हामी जे मन लाग्यो त्यही गर्न पाउने भएका र्छौं ।” सुभद्र भिक्षुको यो वचन सुनेर सबै भिक्षुहरु छक्क परे । बुद्धको महापरिनिर्वाणपछि सद्धर्मको नाश हुने डर भयो । भिक्षु सङ्घ र समाजका लागि बुद्धले दिएको शिक्षा लोप हुने डरले विभिन्न समयमा सङ्घमार्फत बुद्ध वचनलाई एकै ठाउँमा सङ्ग्रह गर्ने…