महिना: मे 2019

वुद्ध जयन्तीको अबसरमा बर्षैभरी निरन्तरता दिने योजना अनुरुप कुश्मा नगरपालिकाको ७ नम्बर वडाको अग्लो पुल टोलबाट कुश्मा नगरपालिकाका मेयर रामचन्द्र जोशीको प्रमुख आतिथ्यतामा वृक्षारोपण कार्यक्रमको शुभारम्भ गरिएको छ । एउटा सडकको दुबैतर्फ धुपी वृक्षारोपण गरी सो सडकलाई धुपी मार्ग र अर्को सडकको दुबैतर्फ अशोक वृक्षारोपण गरी सो सडकलाई अशोक मार्ग नामाकरण गरिएको छ । छस् मीटर चौढाइको यी दुई मार्गको लम्बाइ करीब ५०० मीटरको छ । वृक्षारोपणको शुभारम्भ गर्नु अघि मन्तब्य दिने क्रममा कुश्मा नगरपालिकाका मेयर जोशीले वृक्षारोपण गरिएका बिरुवाहरुलाई राम्ररी हुर्काउन यथोचित रेखदेख गर्ने कामलाई उच्च महत्व दिनुपर्ने कुरामा…

भारतको गुजरात राज्यस्थित एउटा गाउँमा दलित समुदायका झन्डै तीन सय परिवारले हिन्दु धर्म त्यागेर बौद्ध धर्म अपनाएका छन् । धर्मपरिवर्तन गरेकामध्ये उनामा भएको कुटपिटको घटनाका पीडित पनि छन् । उनाको मोटा समाधियाला गाउँमा सन् २०१६ मा ’गोरक्षक’ का रूपमा आफूलाई चिनाउने मानिसहरूले वाश्रम सरवैया तथा उनका भाइलाई गाई मारेको आरोप लगाउँदै अर्धनग्न पारेर कुटपिट गरेका थिए । उक्त घटनापश्चात् गुजरातका दलितहरू आक्रोशित भए र उनीहरूले कैयौँ स्थानमा विरोधप्रदर्शन गरे । त्यसरी रुष्ट भएका कैयौँ मानिसहरूले आइतवार बौद्ध धर्म अङ्गीकार गरेका छन्। उनाका पीडितहरूले यसअघि नै आफ्ना परिवारले धर्म परिवर्तन गर्न…

म्यानमारकी चर्चित अभिनेत्री तथा गायिका सोई प्याए थाजिन बौद्ध भिक्षुणी बनेकी छिन् । उनी बौद्ध भिक्षुणी बने पछि अहिले म्यानमारका सञ्चारमाध्यमले महत्वका साथ समाचार संप्रेशण गरिरहेका छन् । त्यस्तै उनको भिक्षुणी स्वरुपको तस्वीर सामाजिक सञ्जालमा कैयौले सेयर गर्दै शुभकामना दिएका छन् । म्यानमारको रंगुनमा जन्मिएकी सोए प्याएले ग्रेड नौमा हुँदा देखि नै अभिनय गर्न सुरु गरेकी थिइन् ।  

रौतहटको गैंडाटारस्थित १३२ फिट उचाइको नेपालकै अग्लो बौद्ध स्तुप निर्माण गरिने भएको छ । केही दिन अघि निर्माण गरिने उक्त स्तुपको शिलान्यास गरिएको छ । प्रदेश २ को रौतहट क्षेत्र नं ४ मा संघीय सांसद देवप्रसाद तिमिल्सिनाले स्तुपको शिलान्यास गरेका थिए । सांसद तिमिल्सिनाले स्तुप शिलान्यास गर्दै निर्माण सम्पन्न भएपछि स्तुप गैडाटारकै मात्र नभई रौतहटकै गौरवको विषय बन्ने बताए । स्तुपले गैडाटारलाई पर्यटकीय क्षेत्र बनाउने समेत उनको भनाई थियो । मागी गुम्बा व्यवस्थापन समितिद्वारा अभियानको रुपमा सुरु भएको स्तुपको मात्रै लागत २ अर्ब ५० करोड रुपैयाँ रहेको छ । स्तुप…