Author: rinpoche

इजरायलमा रहेका नेपाली समुदायले आउँदै गरेको बुद्धजयन्ती भव्य रुपमा मनाउने तयारी गरिरहेका छन् । २५६३ औँ बुद्धजयन्ती मनाउनका लागि इजरायलको तेल अविभमा सम्पुर्ण तयारी अन्तिम अवस्थामा पुगेको आयोजकले जनाएको छ । बुद्धजयन्तीको अवसरमा पूजापाठ, धर्मदेशना, बुद्ध र बुद्ध धर्मको महत्वका बारेमा छलफल विमर्स गरिने छ । इजरालयस्थित नेपाली राजदुतावासको मूल आयोजनामा त्यहाँ रहेका नेपाली सम्बन्ध विभिन्न संघसंगठनले कार्यक्रम गर्न लागेका हुन् । सोही अवसरमा बौद्ध दर्शनमा आधारित रहेर निर्माण गरिएको सर्टफिल्म सुपरमंक पनि प्रदर्शन गरिने भएको छ । भिक्षु सेनांग ग्याम्जो निर्देशित सुपरमंकमा भिक्षुको करुणा र द्वन्दकालिन परिवेशलाई चित्रण गरिएको…

एक सय आठ गुम्बा निर्माणमा जुटेको नेपाल बुद्धिष्ट एसोसियसनले हालै ललितपुरमा अर्को एउटा गुम्बा निर्माण सम्पन्न गरेको छ । ललितपुरको महांकाल गाउँपालिकाको मणिखेलमा रहेको सो धर्म वांगचुक गुम्बा निर्माण कार्य सम्पन्न गरी केही दिन अघि औपचारिक उद्घाटन गरिएको छ । मणिखेल गाउँका स्थानीयको अनुरोध अनुसार उक्त गुम्बा निर्माण गरिएको नेपाल बुद्धिष्ट एसोसियसनले जनाएको छ । साढे दुई महिनामा निर्माण सम्पन्न भएको गुम्बाको उद्घाटन छोग्याल रिम्पोछेले गर्नु भएको थियो । गुम्बा मणिखेलको मात्रै नभई वरिपरिकै गाउँका लागि धार्मिक केन्द्र बन्ने स्थानीयको भनाई छ ।

कुश्मा नगरपालिकाका मेयर रामचन्द्र जोशीको अध्यक्षतामा बसेको बैठकले २६४३ औं वुद्ध जयन्तीको अवसरमा नगरपालिकाभित्र बिभिन्न चरणमा वृक्षारोपण कार्यक्रम गर्ने निर्णय गरेको छ । वृक्षारोपणको शुभारम्भ कुश्मा नगरपालिकाको ७ नम्बर वडाको अग्लो पुल टोलबाट वुद्ध जयन्तीकै दिन ४ जेठबाट गर्ने निर्णय गरिएको छ । उक्त दिन एउटा सडकको दुबैतर्फ धुपी वृक्षारोपण गरी सो सडकलाई धुपी नामाकरण गरिनेछ भने अर्को सडकको दुबैतर्फ अशोक वृक्षारोपण गरी सो सडकलाई अशोक मार्ग नामाकरण गरिनेछ । वृक्षारोपणको अत्यन्तै आकर्षक र धार्मिक एबं सांस्कृतिक महत्वको पाटो कुश्मा नगरपालिकाको वडा नम्बर ७ को खरेहामा तयार गरिने “ॐ पार्क“…

दश वर्षीय अवतारी लामालाई गद्दी आरोहण गराइएको छ । ओखलढुंगाको खिजीदेम्बा गाउँपालिकाका अवतारी ङवाङ तेन्जिन ठिन्ले रिम्पोछेलाई बुधबार काठमाडौँको बौद्धस्थित शेर्पा गुम्बामा विधिपूर्वक गद्दी आरोहण गराइएको हो ।   अवतारी ङवाङ तेन्जिन ठिन्ले रिम्पोछे ओखलढुंगाको खिजीदेम्बा गाउँपालिका २ मा रहेको ङोडुब क्षोलिङ गोन्पाको परम गुरु नोर्बु लामा शेर्पा अवतार हुन् । उनलाई दक्षिण भारतको नाम्ड्रोल लिङ गुम्बाका प्रमुख खेनटुल ग्याङखाङ रिन्पोछेले गद्दी आरोहण गराएका हुन् । गद्दी आरोहण (ठिदेन) का लागि भारतबाट अवतारी सहितका विशिष्ठ व्यक्तिहरु नेपाल आएका थिए । गद्दी आरोण समारोहमा सहभागि हुन अवतारीका परिवार, ओखलढुंगावासी र बौद्ध…

मानव जातिको सुख, शान्ति, आयु, धन, गुण एवम् ज्ञान वृद्धि गर्न र दशाग्रहरी शान्त गर्ने उद्देश्यका साथ गोदावरीस्थित छ्योइकु गोन्पामा एक दिने ठोइमा गणचक्र महापूजा आयोजन गरिएको छ । उक्त महापूजामा सिद्धि र बुद्धत्व प्राप्तिको योग, दशा ग्रह, शान्ति, धन आदि प्राप्तिका लागि निधिरक्षक धर्मपालहरुको पूजा, पाप परिसोधन तथा गणचक्र पूजा लगायतका कार्यक्रम गरिएको थियो । महापूजाको आयोजना विहान ६ देखि बेलुकी ७ बजेसम्म भएको थियो । महायोगको साधनाबाट सिद्धि तथा बुद्धत्व प्राप्तिका लागि योग अभ्यास, पूजापाठ लगायतका विविध कार्यक्रम गरिएको थियो ।