भारतको सिक्किम रहेको रुमतेक गुम्बाको सम्पुर्ण विवरण समेटेर निर्माण गरिएको डक्युमेन्ट्री डिग्निटी अफ रुमतेक धर्मचक्र सेन्टर युट्युवबाट सार्वजनिक गरिएको छ ।
डक्युमेन्ट्रीमा रुमतेक गुम्बा कसरी, कहिले र कसको योगदानमा निर्माण गरियो भन्ने सम्पुर्ण विवरण प्रस्तुत गरिएको छ । बौद्ध धर्मावलम्वी अन्तर्गतको काग्यु सम्प्रदायका निम्ति एउटा पवित्र तिर्थस्थलका रुपमा रहेको रुमतेक गुम्बाको प्रमुखका रुपमा अहिले १७ औँ कर्मापा उर्गेन ठिन्ले दोर्जे रहेका छन् ।
डक्युमेन्ट्रीमा काग्यु सम्प्रदायका कर्मापाहरु र यो सम्प्रदायको नेपालको प्राचिन सम्बन्धलाई पनि उजागर गर्ने प्रयास गरिएको छ । डक्युमेन्ट्रीमा सुरज खड्काको अनुशन्धान तथा लेखन, सुरज राईको छायांकन, दिपु चौलागाईको सम्पादन र ल्हाक्पा शेर्पाको निर्देशन रहेको छ । डक्युमेन्ट्री निर्माणको कन्सेप्ट आचार्य भानु सिद्धार्थ शेर्पा र आचार्य कर्मा रिञ्जिङले बनाएका हुन् ।
