काभ्रे जिल्लाको रोशी गाउँपालिकामा माघ २२ गते आइतवार एक विशेष बौद्ध कार्यक्रम आयोजना गरि छेवाङ प्रदान गरिएको छ । रोशी गाउँपालिकाको वडा नं ११ स्थित कालोढुंगा, डम्फुपार्कमा परम पावन धर्मगुरु टुल्कु लोब्साङ नाम्ग्याल रिन्पोचेले छेवाङ (आयू अभिषेक) र शरण गमनको शिल प्रदान गर्नु भयो । कार्यक्रममा करिब १ हजार स्थानीय सहभागि थिए ।
कार्यक्रमको आयोजक टाशी चुम्लाखाङ गुम्बा अध्ययन केन्द्र रहेको छ । उक्त कार्यक्रमलाई हिमालयन बौद्ध सम्भोटा लिपी प्रशिक्षण केन्द्रले समन्वय गरेको हो । त्यस्तै सहयोगीका रुपमा रोशी गाउँपालिका रहेको थियो ।
काभ्रेको रोशीमा टुल्कु लोब्साङ नाम्ग्याल रिन्पोचेद्वारा छेवाङ प्रदान
