Category: Featured

लुम्बिनीका गुम्बामा बस्न आउने बौद्ध भिक्षुहरूले पाउँदै आएको निःशुल्क भिसा सुविधा रोकिएको छ । लुम्बिनी विकास कोषको सिफारिसमा गुम्बाभित्र बस्न आउने भिक्षुले एक वर्षको लागि निःशुल्क भिसा पाउँदै आएका थिए । यस्तो भिसा दुई सातादेखि रोकिएको भन्दै भिक्षुहरूले गुनासो गरेका कोषका सदस्यसचिव सानुराजा शाक्यले बताए । शाक्यका अनुसार लुम्बिनीभित्र विभिन्न देशले बनाएका गुम्बामा बस्न आउने भिक्षुहरू १० जनासम्मले निःशुल्क भिसा पाउँदै आएका थिए । यस्तो भिसा पछिल्लो दुई सातादेखि रोकिएको र नयाँ नवीकरणसमेत भएको नभएको शाक्यले बताए । भिसा रोकिएको विषयमा तालुक निकाय हुँदै परराष्ट्र मन्त्रालयसम्मलाई जानकारी गराएको कोषले जनाएको…

चीनको पुरानो बजारको भग्नावशेषमा सहस्राब्दी पुराना बुद्ध मूर्तिको अंश फेला परेको छ । सान्सी प्रान्तको सिआन सहरको भग्नावशेषमा ६८० भन्दाबढी मूर्ति र प्यागोडाका मूर्तिकला भेटिएका हु्न् । यी मूर्ति थाङ वंश (६१८–९०७) मा बनाइएका मूर्तिको अवशेष हु्नसक्ने बताइएको छ । मूर्तिहरू माटो र ढुंगाबाट बनेका र धेरैजसो क्षतिग्रस्त रहेका चाइनिज एकेडेमी अफ सोसियल साइन्सअन्तर्गत रहेको पुरातत्व संस्थानका हान जिएनख्वाले जानकारी दिए । धेरै बुद्ध मूर्तिहरू रंगीन रेखाचित्र र सुनले सजिएका छन्।

प्रशिद्ध बौद्ध धर्मगुरु विद्याधर आचार्य महायोगी श्रीधर राणा रिन्पोचे धार्मिक गतिविधिका क्रममा यतिबेला पोखरामा हुनुहुन्छ । आज उहाँले पोखरा आसपासमा रहेका बौद्धमार्गीहरुलाई अमिताभ बुद्धको अभिषेक गराउने कार्यक्रम रहेको छ । अभिषेकसँगै त्यसका साधना विधिहरु पनि उहाँले आज प्रदान गर्दै हुनुहुन्छ । अभिषेक र साधना विधि नेपाली भाषामै हुने भएकाले त्यसको पुण्यलाभ लिन विशेष आग्रह गरिएको छ । अमिताभ बुद्धको अभिषेक र साधना विधि मृत्युको समय अत्यन्तै उपयोगि मानिन्छ । पोखराको ड्यामसाइडस्थित ड्रागन होटलमा हुने अभिषेक कार्यक्रम दिउँसो १ः३० बजेदेखि सुरु हुँदैछ । २२ वर्षभन्दा बढि समय गुफाबास बसेर बौद्ध धर्म,…

मिठो बासना र स्वादिलो चामलका रूपमा लिइने बुद्धकालिन कालानमक धान लोप हुने अवस्थामा पुगेको छ । तराईका केही जिल्लामा मात्र पाइने यो धान धेरै औषधी, मलखाद र स्याहारको आवश्यकता पर्ने हुँदा किसानले लगाउनै छोडेका हुन् । कम खर्चमा बढी उत्पादन हुने उन्नतजातका प्रजातिमा कृषकको आकर्षण बढ्दा ऐतिहासिक महत्व बोकेको यो धानको अस्तित्व हराउदै गएको छ । नेपालको तराई भागमा मात्र उत्पादन हुने कालानमक धान मधेशबाट नै हराउन थालेका छन् । तराइका जिल्ला मध्ये कपिलवस्तुको पहिचानको रुपमा परिचत धान हराउदै जाँदा जिल्लाको धान उत्पादनमा समेत कमी आएको छ । खाँदा नरम,…

फ्रान्सको पेरिसस्थित अन्तर्राष्ट्रिय कला–सम्पदा लिलामी गृह ‘बोनह्याम्स’ले लिलामीमा राखेको दिपंकर बुद्धको काठले बनेको टाउको प्रतिमा ललितपुर, च्यासलस्थित सप्तपुर महाविहारबाट २५ वर्षअघि चोरिएको प्रमाणित भएको छ । यो प्रतिमा आउँदो बिहीबार (डिसेम्बर १५) लिलामीमा जान लागेकोमा सम्पदाको पहिचान र उत्पत्तिको आधार पुष्टि भएपछि ‘बोनह्याम्स’ले आइतबारबाटै लिलामीको सूचीबाट हटाएको छ । दिपंकर प्रतिमासहित अरु ४ सम्पदा ‘बोनह्याम्स’ लिलामीमा राखिएको बारे सम्पदा खोजबिनको अभियान ‘लस्ट आर्ट्स अफ नेपाल’ले गत साता जानकारीमा ल्याएको थियो । त्यसपछि सुरु भएको पहिचान प्रक्रियामा महाविहारका गुठियार अमिर शाक्य, राजेन्द्र शाक्य, सुरेन्द्रराज शाक्यसहितले २०५५ साउन २८ गते उक्त दिपंकरको…

आचार्य कर्मा रिन्जिङ शेर्पा खेन्पो (विद्यावारिधी) उपाधिबाट सम्मानित दिक्षित हुनु भएको छ । आचार्य शेर्पाले नालन्द उच्च बौद्ध विश्वविद्यालय, रुमतेक, सिक्किमबाट आचार्य उपाधि हासिल गर्नु भएको थियो । उहाँलाई १२ औँ अवतारी गोशीर ग्याल्छाव रिन्पोचे ज्यूले खेन्पो उपाधि प्रदान गर्नु भएको हो । शनिवार काठमाडौँको बौद्धस्थित रोयल सेतो गुम्बामा आचार्य शेर्पालाई खेन्पो उपाधिबाट विभुषित हुनु भएको अवसरमा विशेष सम्मान कार्यक्रम आयोजना गरिएको थियो । सयौँको संख्यामा उपस्थित भएका धर्मावलम्वीहरुले शुभकामना अर्पण गर्दै खेन्पो कर्मा रिन्जिङलाई श्रद्धा र सम्मान व्यक्त गरेका थिए । भोली सोमवार खेन्पो शेर्पाको गृह जिल्ला सिन्धुपाल्चोकको इन्द्रावती…