महिना: अगस्ट 2019

बोधिसत्व इन एक्सन (बि.आई.ए.)का संस्थापक तथा अध्यक्ष छोग्याल रिन्पोछे वर्ल्ड बुक अफ रेकर्ड्स, लण्डनबाट सम्मानित हुनु भएको छ । नेपालमा शारिरिक रुपमा अशक्त भएकाहरुको क्षेत्रमा पुर्याएको अतुलनीय योगदानका कारण उहाँलाई सम्मान गरिएको सम्मानपत्रमा उल्लेख गरिएको छ । बि.आई.ए.फाउण्डेसनमार्फत छोग्याल रिन्पोचेले शारिरीक रुपमा अशक्त भएकाहरुको सिप तथा अभिवृत्ति विकासमा सहयोग गर्दै आउनु भएको छ । गत मंगलबार स्थापनाको पाँचौ वार्षिकोत्सव मनाएको फाउण्डेसनले छोग्याल रिम्पोचेलाई गरिएको सम्मानको अवसरमा काठमाडौँमा एक कार्यक्रम गर्दै खुशी साटासाट गरेको छ । कार्यक्रममा रिम्पोचेलाई शुभकामना दिनका लागि बि.आई.ए.का पदाधिकारी, सञ्चारकर्मी, शुभेक्षुक सहभागि भएका थिए ।

भक्तपुरमा बौद्ध धर्मावलम्बीहरुले मनाउने पञ्चदान पर्वमा विभिन्न बिहारबाट निस्केर नगर परिक्रमा गर्ने पञ्चबुद्ध पाँच पाण्डव नभएको सरोकारवालाहरुले बताएका छन् । बौद्ध धर्मावलम्बीहरुले पाँच बुद्धलाई दान दिएर मनाउने पञ्चदान पर्वमा हिन्दू धर्मावलम्बीहरुले पाँच पाण्डवको रूपमा पूजा एवं दान गरेर मनाउँदै आएका छन् । हरेक वर्ष गुँलागा त्रयोदशी (भाद्र कृष्ण त्रयोदशी) मा नेपाल मण्डलका बौद्ध धर्मावलम्बी नेवार समुदायले मनाउने यो पर्व हिन्दू धर्मावलम्बीले पनि महत्वपूर्ण पर्वको रूपमा मनाउँदै आएका छन् । दानलाई महत्व दिई सर्वहिताय दान भनिने पञ्चदान पर्व पाँच पाण्डवलाई नभई पञ्चबुद्धलाई दिइने सरोकारवालाहरुको भनाइ छ । बौद्ध धर्म विज्ञ पुष्परत्न…

  विश्व सम्पदामा सूचीकृत बौद्ध स्तुपको २०७४ सालमा गरुडको टुडाँल हरायो । यसको कुनै खोजीकार्य हुन सकेन । त्यसपछि अहिले नक्कली टुडाँल हालिएको छ । गत वैशाख महिनामा फेरी बौद्धको अजिमा थानमा रहेको तिलौरी हराएको छ । यसको पनि अहिले सम्म कसरी र कस्ले लग्यो भन्ने तथ्य खुल्न सकेको छैन । बौद्धमा रहेको अजिमा थानको जिर्णौद्धारको कार्य २०५० साल फागुन ३ गते निर्माण कार्य सम्पन्न भएको सोही ठाउँमा उल्लेख छ । बौद्धनाथ क्षेत्र विकास समितिका अनुसार उक्त अजिमा थान बौद्ध मेलम्ची घ्याङ गुठीको मातहतमा सञ्चालन छ । उक्त ठाउँमा धेरै…