दिवंगत ख्याब्जे लामा रिन्पोछेको मार्गदर्शन तथा दूरदर्शी सोचलाई आत्मसात् गर्दै खेन्पो लेक्शे ग्यात्सोको नेतृत्व र मार्गदर्शनमा नालास्थित धाग्पो सेड्रब लिङ गुम्बाको शैक्षिक तथा बौद्ध अध्ययन परम्परा निरन्तर अघि बढिरहेको छ ।
गुम्बाको वार्षिक शैक्षिक कार्यतालिकाअनुसार नाला गुम्बाका विद्यार्थीहरूले सात दिनसम्मको निरन्तर अध्ययन, मेहनत र समर्पणपछि मध्यावधि परीक्षा २०२६ सफलतापूर्वक सम्पन्न गरेका छन् ।
परीक्षा सफलतापूर्वक सम्पन्न गर्ने सम्पूर्ण विद्यार्थीहरूलाई हार्दिक बधाई तथा शुभकामना व्यक्त गरिएको छ । विद्यार्थीहरूको मेहनतले सकारात्मक परिणाम ल्याओस् र उनीहरूमा ज्ञान, आत्मविश्वास तथा करुणासहित निरन्तर अध्ययन गर्ने प्रेरणा बढ्दै जाओस् भन्ने कामना गरिएको छ ।
दिवंगत ख्याब्जे लामा रिन्पोछेको शैक्षिक दृष्टिकोण र बौद्ध शिक्षाको परम्परालाई निरन्तरता दिँदै विद्यार्थीहरूलाई ज्ञान, प्रज्ञा र करुणाको मार्गमा अघि बढाउन नाला गुम्बाले आफ्नो शैक्षिक यात्रालाई निरन्तरता दिइरहेको छ ।
