काठमाडौँ ।विश्व शान्तीको कामना गर्दै थाइल्याण्ड, चीन, रुस, नेपाललगायत देशका ६० जना धुतांगधारी भिक्षुहरु काठमाण्डौ थानकोट, मकवानपुरको कुलेखानी, हेटौँडा, रामग्राम, लुम्बिनी हुँदै पैदला हिडेर कपिलवस्तु आइपुगेका छन् । झण्डै ४ सय १५ किलोमिटरको दूरी पार गरी उनीहरुले स्वयंभुबाट शाक्यमुनीको घर कपिलवस्ताुको तिलौराकोट पुगेकाछन् ।
शान्तिको धर्मदेशना गर्दै भिक्षुहरुले १८ दिनको पदयात्रा पछि फागुन पूर्णिमाका दिन शाक्यमुनि बुद्धले २९ वर्ष बिताएको प्राचीन कपिलवस्तु दरबार क्षेत्रको तिलौराकोट पुगेर यात्रा सम्पन्न गरेको भिक्षु वजीरहले बताए ।
पदयात्रामा रहेका भिक्षुहरुलाई कपिलवस्तु जिल्लामा भव्य स्वागत गरिएको छ । सदरमुकाम तौलिहवाका विभिन्न टोलहरुमा भिक्षुहरुलाई भिक्षा दान गरिएको छ । पूर्व राजदूत तथा पूर्व पर्यटन मन्त्री दीपकुमार उपाध्याय, वर्तमान सांसद तथा पूर्व कानुन मन्त्री बृजेशकुमार गुप्ताले यात्रामा रहेका सबै भिक्षुहरुलाई तौलिहवास्थित आ–आफ्ना निवासमा भिक्षा दान गरेका छन ।
